Pictor in fabula

[[4:suit Parrhasios contours]] Hos aetate superior paulo praecessit Ioannes Mostardus Harlemo oriundus, qui circa minuta potius, vt illi colossicotera, trivisse ingenium videtur, manupretio in venustate ac decore oris, comptu corporum, argutia vultus, capillitii elegantia, lineamentorum tenuitate, Protogenica ferme; viroris inimitabili apparatu, alio circa lucos, arbores, muscosos fontes, alio in vestitu, caeterisque rebus.

Morrus confessione artificum in exprimendo ad viuum indiscreta similitudine vultuum filo, inque danda illis symmetria, palma facile adeptus, idque assecutus quod rarum in artis successu inueniri posse existimat Plinius, de Parrhasio loquens, nimirum extrema corporum facere, ac desinentis picturae modum includere. Artifex operum foecundus principalium, a quo quicquid ferme regum et primatum haec habet aetas viuide expressum est. [[4:suite : Apelle et Protogène]]

Neque silentio praetereundus est Petrus cognomento Longus, quem Pyreico Plinii comparare iure, si non anteferre videor posse, qui ex proposito, ut apparet, humilia penicillo secutus, humilitatis summam adeptus est omnium iudicio gloriam, ac propterea ρὑπαρόγραφος cognomine cum illo pariter insigniri, vel me arbitro, potest, usqueadeo in operibus illius ubique relucet gratia quaedam, expresso elegantissime in rusticanis puellis corporis filo habituque, obsoniis, oleribus, mactatis pullis, anatibus, asellis, piscibusque aliis, culinario denique instrumento omni, ita praeter consummatam voluptatem, infinita etiam varietate, tabulae ipsius oculos nunquam satiant : quo fit ut pluris eat vaeneant, quam multorum accuratae maximaeque.